FACE BOOK UPDATE

سنڌ حڪومت پاران ڪرونا وائرس کي روڪڻ لاءِ ڏنل ٽن ڏينهن واري لاڪ ڊائون کي پاڻي ڏيندي سڃو ڏينهن گھر اندر رهيم. ان واندڪائي جو فائدو وٺندي فلم ڊاريڪٽر راجا ڪرشن مينن پاران جوڙيل فلم “بارا انا، (ٻارنهن آنا) ڏسي ورتم. فلم جي ڪاسٽ ۾ بالي ووڊ جو ليجينڊ اداڪار نصير دين شاهه، وجي راز، ارجن ماٿر ۽ تانشٿا چٽرجي شامل آهن. مٿيان ٻڌايل ٽيئي ڪردار ممبيءَ جي هڪ کوليءَ ۾ گڏ رهندا آهن. جن ۾ نصير شاهه زماني جهان جا ڏڪا کاڌل پڪي عمر جو تمام گھٽ ڳالهائو انسان آهي، ڊرائيوري ڪندو آهي، ٻيو سندس دوست وجي راز ٽيهن سالن جو ڪنهن پلازا ۾ چوڪيداري سان لڳل آهي جڏهن ته سندن نوجوان دوست ارجن ماٿر هڪ هوٽل ۾ بيرا گيري ڪندو آهي. هنن جي روٽين واري زندگي آهي، جيئن ته سندن تعلق ننڍڙي ورڪنگ ڪلاس سان آهي ان ڪري نه ته سندن ڪمائي مان روزمرهه جي گھرجن جي پورت ٿيندي آهي نه کين معاشري ۾ عزت ملندي آهي. انهن جي زندگيءُ ۾ هڪدم هڪ ڦيرو هڪ واقعي ڪري ايندو آهي جيڪو کين عام ماڻهو مان اغوا ڪار ۾ تبديل ڪري ڇڏيندو آهي.
هي ڪا ڪمرشل، گليمرائيز مووي ناهي ان کي اوهان آرٽ مووي به چئي سگھو ٿا، هي فلم يوٽيوب تي موجود آهي، جيڪڏهن اوهان به گھر ۾ ويٺا آهيو ته واندڪائي ۾ ڪارائتي وندر طور فلم ڏسي سگھو ٿا.