12 اگسٽ 2005 ....هڪ اسڪول جي وزٽ وقت ورتل نوٽس

هن اسڪول جو هيڊ ٽيچر عمر ۾ تمام جھونو جڏهن ته نائب ڪنهن نه ڪم جو آهي. هن اسڪول ۾ اڪثريت غريب ٻارڙن جي آهي، جن جا والدين پني منگي گذر سفر ڪندا آهن. هن اسڪول ۾ ڇوڪرين ۽ ڇوڪرن جي داخلا هڪ سؤ کان به مٿي آهي. هيڊ ۽ نائب ٻئي سکيا ورتل آهن. هڪ ٻيو استاد به آهي جنهن به سکيا جو هڪ فيز پورو ڪيو آهي. هن اسڪول تي سکيا جي ڪا خاص تبديلي نظر نه آئي. ايس ايم سي جي ميٽنگ به 2003 کان پوءِ اڄ ڏينهن تائين نه ٿي آهي. بقول اسڪول جي هيڊ جي ته هو هتي نئون آيو آهي ۽ هاڻي هو ڪم کي اڳتي وڌائيندو. هيڊ پنهنجي سڀاءُ ۾ تمام مٺڙو آهي جنهن اسڪول ۾ بوتل پيارڻ سان گڏ بس اسٽاپ تي اچي چاءِ به زوري پياري. هي جيئن ته عمر ۾ وڏو آهي انڪري معاملن کي پوريءَ طرح سمجھڻ ۽ سمجھي ڪري انهن جا مثبت حل ڳولهڻ ڪنهن حد تائين سندس وس کان چڙهيل ٿا نظراچن. جڏهن ته سندس نائٻ ڪورو ڄٽ آهي ۽ کانئس اسڪول يا تعليم جي ڀلائيءَ جي اميد رکڻ ٻٻرن کان ٻير گھرڻ برابر آهي.