ٿيندي. اهو راڪاس جو روڻو منهنجو اڳ گهميل آهي. پٿرائن ۽ واريءَ جي اڻانگن گسن، پيچرن کي پار ڪندي جبل جي دامن ۾ اونهي کوهه وٽ پهتاسين جتي هڪ مقامي بلوچ نوجوان صمد ڦسڪاڻي سان ملاقات ٿي جيڪو اتي پاڻي ڀرڻ آيو هو. سندس چونئري نما گهر کوهه کان لڳ ڀڳ ٽن ڪلوميٽرن جي مفاصلي تي واقع هيو. کوهه جو پاڻي انتهائي مٺو ۽ ٿڌو هيو. کوهه کان ٿورو اڳ حڪومت هڪ تمام سٺو ڪم ڪيو آهي ته برساتي پاڻيءَ کي ذخيرو ڪرڻ لاءِ ننڍو ڊيم جوڙيو ويو آهي. اهڙو ٻيو ڊيم ناري ويندڙ روڊ تي پڻ مڪمل ٿي چڪو آهي. صمد بلوچ ٻڌايو پئي ته اهڙا ٽي ڊيم تعمير ڪيا ويا آهن. ٻه ته اسان اکين سان ڏسي آيا آهيون ٽيون جي هوندو ته ان کي به ڳولي هٿ ڪبو. جبل جي اندر برساتي نالن وارا سمورا روٽ لکين وٽن ٽڻن سان جهنجهيل آهن ۽ خوبصورت منظر پيش ڪندا آھن. صبح جو سج ڪڪرن جي چادر ۾ ويڙهيل هو ۽ هوا به گهلي پئي پر پوءِ ڏينهن گرم ٿيندو رهيو. اسان پنهنجي سفر جا ٿڪ لونگ فقير جي اسٽاپ تي ڀڳا، ٻه ٻه چانهه جا ڪٽ ۽ ڪيڪ رس سان وٺي وري واپس ماڳ تي آياسين.
No comments:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔تبصرو موڪليو