واٺو

پوري ملڪ سان گڏ سنڌ ۾ هزارين ماڻهو اهڙا به آهن جيڪي ڪن پيرن، ميرن، سردارن، جاگيردارن، مولوين، سياستدانن، فوجي جنرلن جا ماڻهو هوندا آهن. سندن آقا ڪنهن پارٽي کي ڇڏي ڪنهن ٻي پارٽيءَ ۾ شموليت ڪندو ته انهن جو قبلو پڻ ان مطابق مٽجي ويندو آهي. سندن ڪو پنهنجو ذهن، مئوقف، رايو، نظريو بلڪل به ناهي هوندو ڇوته اهي ذهن هئڻ بدران پڇ هوندا آهن. سولي سنڌيءَ ۾ کين واٺا جي نالي سان سڃاتو ويندو آهي. پر مون مشاهدو ڪيو آهي ته اهي واٺا اهڙا ته جاٺا هڻڻ جي ڪوشش ڪندا آهن جهڙوڪر اهي پنهنجي آقا يا پنهنجي آقا جي پارٽيءَ جا پاليسي ميڪر هجن.
۽ مون کي اهڙن پتلين تي تهان وڌيڪ ڪاوڙ تڏهن ايندي آهي جڏهن اهي فلاسافر، پاليسي ميڪر، سياسي اڪابر، مذهبي اسڪالر بڻجي اسان کي ڀاشن ڏيندا آهن.
او منهنجا پيارو پهريون پنهنجن ڳچين ۾ پيل غلاميءَ وارا ڳٽ لاهيو، جن جي اشارن تي نچو ڪڏو ٿا انهن مان جان آجي ڪيو پوءِ اچو ته سڀني مسئلن تي خيالن جي ڏي وٺ ڪنداسين.